سیرت نہ ہو تو عارض و رخسار سب غلط
خوشبو اڑی تو پھول فقط رنگ رہ گیا
٭٭٭٭٭٭٭٭٭٭
اک بار جسے چاٹ گئی دھوپ کی خواہش
پھر شاخ پہ اس پھول کو کھلتے نہیں دیکھا
٭٭٭٭٭٭٭٭٭
باغباں تیری عنایت کا بھرم کیوں کھلتا
ایک ہی پھول جو گلشن میں ہمارا ہوتا
٭٭٭٭٭٭٭٭٭
سکھ عجب درد کے اندر سے نکل آتےہیں
پھول جیسے کہیں پتھر سے نکل آتے ہیں
٭٭٭٭٭٭٭٭٭
اپنے کردار کو موسم سے بچائے رکھنا
لوٹ کر پھول میں آتی نہیں کبھی خوشبو
٭٭٭٭٭٭٭٭
اٹھا کر پھول کی پتی نزاکت سے مسل ڈالی
اشارے سے کہا ہم دل کا ایسا حال کرتے ہیں
٭٭٭٭٭٭٭٭
بہارنو بھی انہیں پھر سجا نہیں سکتی
بکھر گئی ہیں جو پھولوں کی پتیاں لوگو
٭٭٭٭٭٭٭٭٭
پھول تو سب بچھاتے ہیں مگر حسرت ہے
دل کے ٹکڑوں سے تیری راہ کو گلزار کریں
٭٭٭٭٭٭٭٭٭٭
پھول کی پتی کٹ سکتا ہے ہیرے کا جگر
مرد ناداں پہ کلام نرم و نازک بے اثر
٭٭٭٭٭٭٭٭٭
No comments:
Post a Comment